Senegalflúra

Senegalflúra (Solea senegalensis) er hraðvaxta flatfiskur og nær markaðsstærð þegar fiskurinn er kominn í um 350 grömm, sem næst á innan við einu ári við þau skilyrði sem eru í strandstöðinni við Reykjanesvirkjun en frá henni streymir 35 stiga heitt vatn sem síðan er blandað við sjó. Þar er því mögulegt að líkja eftir kjöraðstæðum fisksins sem dafnar best í heitum sjó, frá 19 °C til 22 °C. Bragðið er sagt ekki ósvipað og af kola, en fisknum er lýst sem mjög mögrum með hvítt og stinnt hold og þá heldur stífara en í kola.