Grálúða

Grálúða

Grálúðan er verðmætasta flatfiskategundin á Íslandsmiðum. Grálúða er stór flatfiskur og getur náð allt að 1,2 m lengd. Hún er dökkgrá á báðum hliðum ólíkt öðrum flatfiskum sem eru ljósir á annarri hliðinni og dökkir á þeirri hlið sem upp snýr.  Grálúða verður kynþroska 9 – 12 ára gömul. Hún er með stóran kjaft og beittar tennur, enda mikill ránfiskur og étur aðallega loðnu en einnig ýmsar rækjutegundir.